आज युभेन्ट्स, रियल, सिटी र युनाइटेड भिड्दै, कसको प्रतिद्वन्द्वी को ? 

काठमाडौं- युरोपियन च्याम्पियन्स लिग फुटबलमा बुधबार राति सिमूह चरण अन्तर्गतका अन्तिम ८ खेल हुँदै छन् । यिनै बुधबार राति हुने ८ खेलपछि समूह चरणको समीकरण पूरा हुँदैछ । 

बुधबारको च्याम्पियन्स लिग खेलमा धेरै जसो टोलीको औपचारिकता मात्र हुने छ । किनभने च्याम्पियन्स लिगको शीर्ष १६ मा पर्ने १५ वटा टोलीको टुङ्गो यस अघिका खेलहरुले लागि सकेको छ । त्यसैले पनि आज हुने ८ खेलका ७ टोलीको टुङ्गो यसअघि नै लागि सकेको छ । 

आजको खेलले अर्को चरणको लागि एक टोलीको मात्र निर्णय गर्ने छ । आज हुने खेलबाट समूह ‘एफ’ बाट अन्तिम १६ मा पुग्ने अन्तिम टोलीको टुङ्गो लाग्नेछ । सो समूहमा हाल म्यानचेस्टर सिटी १० अंकसहित शीर्ष स्थानमा छ ।

सिटी यस अघि नै दोस्रो चरणमा प्रवेश गरि सकेको छ । दोस्रो स्थानमा लियोन ७ अंकसहित रहँदा तेस्रो नम्बरमा शाख्तर डोनेस्टक ५ अंकसहित रहेको छ । त्यसैले आजको शाख्तर र लियोनबीचको खेलले दोस्रो चरणका पुग्ने अन्तिम एक टोलीको तय हुने छ । 

आज हुने खेलहरु :

प्लेजनविरुद्ध रोमा - राति ११:४० बजे 
रियल मड्रिडविरुद्ध सिएसकेए मोस्को - राति ११:४० बजे 
योङ ब्वाइजविरुद्ध युभेन्टस - राति १:४५ बजे
बेनफिकाविरुद्ध एइके - राति १:४५ बजे

शाख्तर डोनेस्टकविरुद्ध लियोन - राति १:४५ बजे
म्यानचेस्टर सिटीविरुद्ध होफेनहेइम - राति १:४५ बजे
अजाक्स भर्सेस बार्यन म्युनिख - राति १:४५ बजेदेखि
भ्यालेन्सियाविरुद्ध म्यानचेस्टर युनाइटेड - राति १:४५ बजे