काठमाडौंलाई पराजित गर्दै ललितपुर इपिएलको प्ले-अफमा

काठमाडौं- गौरभ तोमार र जय किशन कोल्सावालाको विस्फोटक ब्याटिङसँगै एभरेष्ट प्रिमियर लिग (इपीएल) टी-२० क्रिकेटमा ललितपुर प्याट्रीयट्स प्ले अफमा प्रवेश गरेको छ । 

त्रिवि क्रिकेट मैदानमा बुधबार भएको खेलमा काठमाडौँ किंग्स इलाभेनलाई १० विकेटले पराजित गर्दै ललितपुर इपिएलको प्ले-अफमा प्रवेश गरेको हो । काठमाडौंले दिएको १ सय ९ रनको लक्ष्य पछ्याएको ललितपुरले मात्र १०.३ ओभरमा विना विकेटको क्षतीमा उक्त लक्ष्य भेट्टाएको हो । 

ललितपुरका लागि गौरभ तोमारले विस्फोटक ब्याटिङ गरे । उनले अविजित रहदै ८० रन जोडे । घ५ बले खेलेका तामोरले ९ चौका र ५ छक्का प्रहार गरेका थिए । त्यस्तै अर्का ओप्नर ब्याट्सम्यान कोल्सावालाले अविजित २७ रन जोडे । उनले २८ बल खेल्दै ४ चौकार प्रहार गरेर २७ रुन जोडेका थिए ।
 
यसअघि टस जितेर पहिला ब्याटिङ गर्ने निर्णय गरेको काठमाडौंले २० ओभरमा सबै विकेट गुमाउँदै १ सय ९ रन मात्र  जोड्न सकेको थियो । काठमाडौंका लागि केभिन ओब्रयानले ४२ रन बनाउन बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् । 

केभिनले ३३ बलमा ३ चौका र २ छक्का प्रहार गरे । त्यस्तै सांसद शेख १० र सिद्धान्त लोहनी २१ रन जोड्दा अन्य ब्याट्सम्यानले दोहोर अंक छुन सकेनन् । ललितपुरका पवन सरार्फले ४ ओभरमा २२ रन खर्चेर ३ विकेट लिए । राशिद खान र योगेन्द्र सिंह कार्कीले समान दुई विकेट लिँदा, सन्नी पटेलले १ विकेट लिए ।