च्याम्यिन्स लिगमा आज ठुला टोलीको दोस्रो चरणका लागि निर्णय हुँदै

एजेन्सी- युइएफए युरोपियन च्याम्यिन्स लिग फुटबल अर्न्तगत  मंगलबार राति समूह चरण अन्तर्गतका अन्तिम ८ खेल हुदै छन् । मंगलबार राति हुने खेलहरुमा केही ठुला निर्णय हुँदै छन् । 

जुन निर्णयले लिगका ठुला क्लबहरुको अर्को चरणको तय हुने छ । मंगलबार राति हुने ८ खेलमध्य इटालियन इन्टर मिलान, इंग्लिस क्लब टोटनह्याम, फ्रेन्च क्लब पिएसजी, इटालियन नापोली र इंग्लिस क्लब लिभरपुलका खेल सबैभन्दा केन्द्रमा हुनेछन् । किनभने, यी सबै टोलीका लागि दोस्रो चरणका प्रवेश गर्न आज राति अन्तिम खेलमा ‘गर या मर’ हुनेछन् ।

आज बार्सिलोनाले अन्तिम खेलका लागि इंग्लिस क्लब टोटनह्यामलाई आफ्नो घरेलु मैदान क्याम्प नोउमा स्वागत गर्दैछ । बार्सिलोना अन्तिम २ खेल बाँकी छँदै अन्तिम १६ मा प्रवेश गरिसकेको छ। 

हाल अंक तालिकामा बार्सिलोना १३ अंकसहित शीर्ष स्थानमा छ । त्यसपछि टोटनह्याम ७ अंकसहित दोस्रो स्थानमा छ भने समान ७ अंक नै भएको इटालियन इन्टर मिलान तेस्रो स्थानमा रहेको छ । 

त्यस्तैले आजको खेल टोटनह्यामका लागि भने महत्वपूर्ण हुनेछ । यो खेलको ३ अंकले टोटनह्यामको अन्तिम १६ को टुंगो लगाउने छ । यदि आज टोटनह्याम र मिलान दुवै पराजित भए वा दुवै बराबरीमा रोकिए टोटनह्याम र मिलान गोलअन्तरका आधारमा अघि रहने टोलीले अन्तिम १६ मा प्रवेश पाउने छ । जहाँ टोटनह्यामको अगाडि रहने छ ।

त्यस्तै लिभरपुल, पिएसजी र नेपोली रहेका छन् । नेपोली ९ अंक सहित शिर्ष स्थानमा रहँदा पिएसजी ८ अंकले दोस्रो स्थानमा छ । त्यस्तै लिभरपुल ६ अंकसहित तेस्रो स्थानमा छ । लिभरपुलले शिर्ष स्थानको नेपोलीसँग भिड्दा पिएसजीले पुछारको  रेड स्टार बेलग्रेडसँग भिड्दै छ ।

आज हुने खेल र समय :

शाल्कविरुद्ध लोकोमोटिभ मोस्को - राति ११:४० बजे 
गालाटासरीविरुद्ध पोर्टो - राति ११:४० बजे
क्लब ब्रुगीविरुद्ध एथ्लेटिको मड्रिड - राति १:४५ बजे
इन्टर मिलानविरुद्ध पिएसभी - राति १:४५ बजे

बार्सिलोनाविरुद्ध टोटनह्याम - राति १:४५ बजे
रेड स्टार बेलग्रेडविरुद्ध पिएसजी - राति १:४५ बजे
मोनाकोविरुद्ध बोरुसिया डर्टमुन्ड - राति १:४५ बजे
लिभरपुलविरुद्ध नापोली - राति १:४५ बजे