विराटनगरलाई जितका लागि ८५ रनको झिनो लक्ष्य 

काठमाण्डौं- एभरेष्ट प्रिमियर लिग (इपिएल) टी-२० क्रिकेटमा पोखरा राइनोजले जितका लागि विराटनगर वारियर्सलाई ८५ रनको झिनो लक्ष्य सुम्पेको छ । टस हारेर पहिला ब्याटिङको निम्तो पाएको पोखराले निर्धारित २० ओभरमा ७ विकेट गुमाउर्दै मात्र ८४ रन बनाउन सक्यो । 

लिगमा आफ्नो पहिला दुई खेलमा ठुलो रनको लक्ष्य सुम्पियको पोखराले तेस्रो खेलमा भने समान्य लक्ष्य सुम्पेको छ । पोखराको सुरुवाती ब्याटिङ भने चल्न सकेन । 
सुरुवाती ४ ओरमा पोखराले मात्र १९ रन जोड्दा ४ विकट गुमाएको थियो । सुरुवाती चार ओभरमा चार विकेट गुमाउदा निकै नै दबाममा परेको पोखराको पारी पउल कोग्लिनले उकास्ने प्रयास गरेका थिए । 

तर, उनी पनि १०.३ ओभरमा टोलीको ४९ रन हुँदा पेभिलियन फर्किन बाध्य भए । टोलीका लागि उनले २० रन जोडेका थिए । यो नै पोखराका लागि सर्वाधिक रन हो । अर्का ब्याट्सम्यान राजेस पुलामी मगरले १७ रन जोड्न बाहेक अन्य ब्याट्सम्यानले दोहोरो अंक छुन सकेनन् । 

विराटनगरका लागि पउल भान मिकेरेनले ३ विकेट लिँदा भान डेर मेर्वेले २ तथा बसन्त रेग्मी र स्मित पटेलले एक एक विकेट लिए । विराटनगरले केहि बेरमा जवाफि ब्याटिङ गर्ने छ ।