युभेन्टसमा रोनाल्डोसँग खेल्न चाहन्छु : रियल गोलरक्षक नाभास

 
एजेन्सी- रियल मड्रिडका गोलरक्षक केलर नाभासले रियल छोड्ने निर्णयसँगै आफ्ना पुर्व टिमसहकर्मी क्रिष्टियानो रोनाल्डोसँग खेल्न चाहेको बताएका छन् । रियलका प्रमुख गोलरक्षक केलर नाभासले पनि क्लब छोड्ने तयारी गरेसँगै यस्तो अभिव्यक्ती दिएका हुन् ।

‘आगामी जनवरीमा आफुले क्लब छाड्न चाहेको र म मेरो पुर्व टिम सहकर्मी रोनाल्डोसँगै युभेन्ट्स जान चाहन्छ ।’ नाभासले भने, ‘त्यसैले मैले क्लबका अधिकारीसँग क्लब छाड्ने मेरो बाटो खुल्ला गरिदिन आग्रह गरेको छ ।’ 

उनले थपे, ‘यति मात्र हैन मैले आफुले चाहेको क्लबमा जानपाउने ‘फ्रि ट्रान्सफर’को माग गरेका छ ।’ स्पेनिस मिडियाका अनुसार नाभासले पछिल्लो समय टोलीको शिर्षमा पर्न नसकेपछि निराश बनेर क्लब छाड्ने निर्णय लिएको बताएका छन् । 

२ वर्षअघि रियलले ला लिगा र च्याम्पियन्स लिग तथा पछिल्ला ३ वर्ष लगातार च्याम्पियन्स लिग जित्दा गोलरक्षकको भुमिकामा नाभास टोलीका लागि प्रमुख हतियार थिए । 

तर, नयाँ गोलरक्षक टोलीमा आएसँगै उनी टोलीमा पर्न धेरै संर्घष गर्नु परिरहेको छ । सन् २०१४ मा ३१ वर्षीय नाभासलाई रियलले लेभान्टेबाट १० मिलियन युरोमा भित्र्याएको थियो । नाभास कोस्टा रिकाको राष्ट्रिय टोलीका गोलरक्षक समेत हुन् ।