सम्पूर्ण अपडेट- आज के-के भयो ?

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- आज मंसिर २४ गते सोमबार कहाँ के-के भयो ? अब थाहा पाउनुहोस्, नेपाल समय दिनभरी।

विधान संशोधन प्रतिवेदनमा सहमतिको सम्भावना टर्‍यो

नेपाली कांग्रेसका सभापति शेरबहादुर देउवा र उनीप्रति असन्तुष्ट समूहबीचको सम्बन्ध चिसिदैँ जाँदा बिधान संशोधन मस्यौदा समितिको प्रतिवेदन निर्माणमा समेत विवाद चर्किएको छ।

निर्मला हत्यामा कमजोरी देखिए संसद्‍मै बर्दी खोल्छु : आइजिपी

प्रहरी महानिरीक्षक सर्वेन्द्र खनालले बालिका निर्मला पन्तको बलात्कारपछि हत्याको घटनाको अनुसन्धान साँघुरिँदै गएको संसदीय समितिलाई जानकारी दिएका छन्। राष्ट्रियसभा, दिगो विकास तथा सुशासन समितिको आजको बैठकमा उनले अनुसन्धानलाई साँघुरो बनाउँदै लगिएको तर निष्कर्ष कहिले आउने भनेर समय तोक्न नसकिने बताए।

निर्मला प्रकरणमा नयाँ खुलासा, प्रदीप पनि नक्कली हत्यारा!

कञ्चनपुरकी १३ वर्षीया निर्मला पन्तको वास्तविक हत्यारा लुकाउन प्रहरीले नक्कली हत्यारा खडा गर्न लागेको आशंका स्थानीयले गरेका छन्। निर्मलाको वास्तविक हत्यारा पत्ता लागेको भन्दै आएको प्रहरीले पछिल्लोपटक नियन्त्रणमा लिएका युवा वास्तविक हत्यारा नभई उनीहरूलाई फसाउन खोजेको आरोप स्थानीय बासिन्दको छ।

अन्तरप्रदेश परिषद् बैठक : संघीयता कार्यान्वयनका लागि समिति गठन

आइतबारबाट सुरु भएको अन्तर प्रदेश परिषद् बैठक सम्पन्न भएको छ। प्रधानमन्त्री केपी शर्मा ओलीको अध्यक्षतामा बसेको बैठकले संघीयता कार्यान्वयनका लागि पाँच सदस्यीय समिति गठन गरेको छ।

सर्वोच्चले सोध्यो, नेकपा नामका दुर्इ पार्टी कसरी दर्ता भए ?

सर्वोच्च अदालतले एउटै नामका दुर्इटा पार्टी दर्ता भएको सम्बन्धमा नेकपाको नाममा कारण देखाउ आदेश जारी गरेको छ। नेकपाको दर्ता सम्बन्धमा परेको रिटउपर सोमबार पहिलो सुनुवार्इ गर्दै न्यायाधीस डम्बर बहादुर शाहीको एकल इजलासले यस्तो आदेश जारी गरेको हो।

मानवअधिकार दिवसकै दिन बालुवाटारबाट अधिकारकर्मी पक्राउ

अन्तर्राष्ट्रिय मानवअधिकार दिवसकै दिन प्रधानमन्त्रीको सरकारी निवास बालुवाटारबाट मानवअधिकारकर्मी पक्राउ परेका छन्। प्रधानमन्त्री निवास अघि धर्ना दिन खोजेको भन्दै शान्ति समाजका संस्थापक सभापतिसहित २१ जना पक्राउ परेका हुन्।

सुनसरीमा प्रहरी र डाँकाबीच गोली हानाहान, डाँकाको गयो ज्यान

सुनसरीको कोशी गाउँपालिका–७ स्थित मुसहरि टोल नजिक प्रहरी र भारतीय डाँका समूहबीच गोली हानाहान हुँदा एक भारतीय डाँकाको मृत्यु भएको छ ।

जनकपुरमा सुरक्षा व्यवस्था कडा, ‘र्‍यापिड कम्युनिकेसन सिस्टम’ अपनाइने

रामजानकी विवाहोत्सवमा सहभागी हुन जनकपुर पुग्ने क्रम सुरु भएको छ। २६ मंसिरमा मनाइने रामजानकी विवाहोत्सवमा सरिक हुन भारत उत्तर प्रदेशका मुख्यमन्त्री योगी आदित्यनाथ जनकपुर आउँदैछन्।

रामजानकी विवाहोत्सव: तिलकोत्सव सम्पन्न, दुई सम्धीको मिलन

त्रेता युगमा मर्यादा पुरुषोत्तम राम र जगतजननी सीताको विवाह भएको विश्वासका साथ रामजानकी विवाहोत्सव अन्तर्गत सोमबार तिलकोत्वस कार्यक्रम सम्पन्न भएको छ। केटा र केटीबीच विवाह हुने निश्चित भइसकेपछि दुबै परिवारका सदस्यले गर्ने छिनोफानो विधिलाई मैथिली संस्कृतिमा तिलकोत्सव भनिन्छ।

यस कारण उकालो लाग्यो नेप्से

नेप्से बजार बढ्ने क्राममा छ। सोमबार नेप्से कारोबार दोहोरो अंकले बढ्ने देखिन्छ। कारोबार शुरु भएको चार घन्टापछि नेप्से परिसूचक आठ अंकभन्दा बढी बढेर एक हजार १३९ बिन्दु नाघेको छ। ‘क’ बर्गको सेन्सेटीभ इन्डेक्स पनि बढ्ने देखिन्छ।

बलिउड स्टारलाई टक्कर दिने मुकेश अम्बानीकी छोरीको नृत्य

भारतीय धनाढ्य मुकेश अम्बानी एक्ली छोरी इशाको बिहे धुमधामका साथ गर्न चाहन्छन्। उनले छोरीको बिहेअगाडि भारतको उदयपुरस्थित ताज लेक प्यालेसमा भव्य कार्यक्रम आयोजना गरे। भारतीय सञ्चारमाध्यमका अनुसार कार्यक्रममा बलिउडका थुप्रै हस्तीहित १८ सयजना सहभागी भएका छन्।

ललितपुर ८ विकेटले विजयी, पोखराको लगातार दोस्रो हार

एभरेष्ट प्रिमियर लिग (इपीएल) टी-२० क्रिकेटमा ललितपुर प्याट्रियट्सले पोखरा पोखरा राइनोजलाई ८ विकेटले पराजित गरेको छ । यस जितसँगै ललितपुले प्रतियोगितामा आफ्नो दोस्रो जित निकालेको हो।

१७ हजार किलोमिटर दूरी तय गर्दै अफ्रिकी अभियन्ता नेपालमा

नेपालमा भइरहेको गैंडा संरक्षण अभियानप्रति दक्षिण अफ्रिकी ऐक्यबद्धताको सन्देश बोकेर १७ हजार किलोमिटर लामो यात्रा तय गर्दै दक्षिण अफ्रिकी अभियन्ता टोली सोमबार काठमाण्डौं आइपुग्दैछ।

मेस्सीको दोस्रो विमान : परिवारको नाम र जर्सी नम्बर राखिने

अर्जेन्टिना तथा बार्सिलोनाका सुपरस्टार लियोनल मेस्सीले नयाँ विमान किनेका छन् । महँगा कार र जहाजका सौखिन मेस्सीले १५ मिलियन डलर (१ अर्ब ६९ करोड ४५ लाख ९९ हजार रुपैयाँ) मा नयाँ विमान खरिद गरेका हुन् ।

चुरोट छोड्न पिँजडामा टाउको, चाबी श्रीमतीसँग

४२ वर्षका टिर्किस नागरिक इब्राहिम युसलको टाउको मात्र पिंजडामा थुनिएको छ। अचम्मको विषय त, उनीसँग त्यो पिजँडाको साँचो पनि छैन। उक्त साँचो उनकी श्रीमतीले राखेकी छन्। खाना खाने बेला मात्र पिजँडा खोल्ने गरिएको छ।

दिल्लीमा अकस्मात दशौँ हजार हिन्दूले किन गरे प्रदर्शन ?

हिन्दूहरूका आस्थाका धरोहर भगवान् रामको जन्मस्थल अयोध्या सहरमा विशाल मन्दीर निर्माणको माग गर्दै आएका रामभक्त हिन्दूहरूले राजधानी नयाँ दिल्लीमा दशौँ हजारको सङ्ख्यामा प्रदर्शन गरेका छन्। कडा सुरक्षाबीच आइतबार भएको प्रदर्शनमा देशका विभिन्न स्थानबाट दिल्ली पुगेका नागरिकहरूको सहभागिता रहेको थियो ।

प्रकाशित: Dec 31, 2017| 18:23 आइतबार, पुस १६, २०७४