ललितपुर ८ विकेटले विजयी, पोखराको लगातार दोस्रो हार

काठमाडौं- एभरेष्ट प्रिमियर लिग (इपीएल) टी-२० क्रिकेटमा ललितपुर प्याट्रियट्सले पोखरा पोखरा राइनोजलाई ८ विकेटले पराजित गरेको छ । यस जितसँगै ललितपुले प्रतियोगितामा आफ्नो दाेस्रो जित निकालेको हो । 

जितका लागि १ सय ६७ रनको लक्ष्य पाएको ललितपुलले निर्धारित १५.५ ओभरमा मात्र दुई विकेट गुमाउर्दै उक्त लक्ष्य भेट्टाएको हो । ललितपुरको जितका लागि गौरभ तोमारले सर्वाधिक ८२ रन जोडे । 

उनले आक्रमक ब्याटिङ गर्दै ४१ बलमा चार चौका र ८ छक्काको मद्दतमा ८२ रन जोडेका हुन् । त्यस्तै अर्का ब्याट्सम्यान जयकिसन कोल्सावालाले ५१ रनको अर्धसतकिय पारि खेले । 

उनले ३८ बलमा चार चौका र तीन छक्का प्रहार गर्दै ५१ रनको अर्धसतकिय पारी खेलका थिए । त्यस्तै सन्नी पटेल र सोनु तामाङले अविजित रहदै क्रमशः २० र ११ रन जोडेका थिए । पोखराका लागि सुसान्त भारी र पउल कोग्लिनले समान एक एक विकेट लिए । 

यसअघि त्रिवि क्रिकेट मैदानमा टस जितेर पहिले ब्याटिङ गर्ने निर्णय गरेको पोखराले निर्धारित २० ओभरको चार विकेट गुमाउदै १ सय ६६ रन बनाएको थियो । पोखराका लागि रिचार्ड लेभीले सर्वाधिक ८४ रन जोडेका थिए । 

उनले बिस्फोटक ब्याटिङ गर्दै मात्र ३९ बलमा ८४ रन जोडेका थिए । उनले तीन चौका र ९ छक्का प्रहार गरे । त्यस्तै बिनोद भण्डारीले ३४ रन जोड्द, कोट्जरले १९, पउल कग्लिनले १४ र सुनिल धमलाले १० रन जोडे । ललितपुरका लागि पवन सराफले तीन विकेट लिए । उनले ४ ओभर गर्दै मात्र ३१ रन खर्चेर तीन विकेट लिएका थिए ।