रियलको जितमा बेलको गोल

एजेन्सी- आइतबार राति भएको स्पेनिस ला लिगा अन्र्तगत रियल मड्रिडले हुएस्कालाई पराजित गरेको छ । हुएस्काको घरेलु मैदानमा भएको खेलमा रियलले उसैलाई १-० ले पराजित गरको हो । 

रियलको जिता लागि खेलको एक मात्र निर्णायक गोल वेल्स फरवार्ड ग्यारेथ बेलले गरेका थिए । उक्त गोल पहिलो हाफमा नै भएको थियो । खलेको ८ औं मिनेटमा नै पाहुना टेलीले खेलमा अग्रता र्लिको थियो । यससँगै बेलको गोलविहिन १० खेलको यात्रामा पूर्णविराम लगाएका छन् । 

दुबै टोलीले दोस्रो हाफमा निकै नै आक्रमक खेल प्रस्तुत गरेको थियो । केहि गोल गर्ने अवसर रियलले गुमाएको थियो भने केहि बराबरी गोल फर्काउनले अवसर हुएस्काले पनि गुमाएको थियो । 

जहाँ हुएस्बाले आक्रमण खेल्दै खेलमा रियल भन्दा धेरै अवसर सिर्जना गरेको थियो । तर, ति अवसरलाई सहि सदुपयोग गर्न भने सकेन् । यस जितसँगै सान्टियागो सोलारीको टोली बार्सिलोनाभन्दा ५ अंक पछाडी रहँदै लिगको शीर्ष ४ मा अटाएको छ । 

रियलको १५ खेलमा २६ अंक रहेको छ । रियलले अब बुधबार हुने च्याम्पियन्स लिग खेलमा सीएसकेए मस्कोको सामना गर्नेछ । रियल समूह विजेता बन्दै दोस्रो चरण पुगिसकेको छ ।