ला लिगमा मेस्सीको नयाँ रेकर्ड (भिडियो सहित)

एजेन्सी- स्पेनिस ला लिगामा बार्सिलोनाले इस्पान्योलमाथि ४-० को शानदार जित निकाल्दा कप्तान लियोनल मेस्सीले नयाँ रेकर्ड बनाएका छन् । एनले एकै खेलमा फ्रि किककार्फत दुई गोल गर्दै ला लिगाको इतिहासमा नयाँ रेकर्ड रचेका छन् । 

३१ वर्षीय मेस्सी ला लिगामा एकै खेलमा फ्रि किकबाट २ गोल गर्ने एक्लो खेलाडी बनेका छन् । इस्पान्योलसँगको खेलमा मेस्सीले पहिलो गोल खेलको १७औं मिनेटमा गरेका थिए । 

त्यसपछि उनले ६५औं मिनेटमा व्यक्तीगत दोस्रो गोल गरेका थिए । उनले दुवै गोल फ्रि किकबाटै गरेका हुन् । यसअघि मेस्सीले एकै वर्ष सन् २०१० मा कूल १० गोल फ्रि किकबाट गरेका थिए । 

गत वर्ष २०१७ मा पनि उनले फ्रि किकबाट ५ गोल गरेका थिए । गत वर्ष मेस्सीले ला लिगामा लगातार तीन खेलमा फ्रि किकबाट गोल गर्ने खेलाडीको रेकर्डसमेत बनाएका थिए ।