भैरहवासँग पोखरा ४ विकेटले पराजित 

काठमाडौं- रबिइन्द्र सिंहको उत्कृष्ट ब्याटिङसँगै एभरेष्ट प्रिमियर लिग (इपीएल) टी-२० क्रिकेटमा भैरहवाले सुखद सुरुवात गरेको छ । त्रिवि क्रिकेट मैदानमा आइतबार भएको खेलमा पोखरालाई ४ विकेटले पाजित गर्दै भैरहवाले प्रतियोगितामा सुखद सुरुवात गरेको हो । 

टस जितेर पहिले ब्याटिङ्ग गरेको पोखराले दिएको २ सय १६ रनको लक्ष्य पछ्याएको भैरहवाले १९.४ ओभरमा मात्र ६ विकेट गुमाएर उक्त लक्ष्य भेट्टाएको हो । रहवाका रबिइन्द्र सिंहले सर्वाधिक १ सय २५ रनको सतकिय अविजित पारी खेले । 

निकैनै आक्रमक ब्याटिङ गरेका रबिइन्द्रले मात्र ६० बल खेल्दै ८ चौका र १० छक्का प्रहार गर्दै १ सय २५ रन जोडेका हु्न । त्यस्तै आरिफ सेखले २३ रन जोडे । उनले १३ बलमा दुई छक्कका प्रहार गर्दै २३ रन जोडेका हुन् । पुनित मेहराले १८, रायन टेनले १६ र प्रदिप ऐरीले १४ रन जोडे । 

पोखराका लागि बिक्रम सोब, पाउल कोग्लिनल र सुसान्त भारीले समान दुई दुई विकेट लिए  पनि टोलीलाई जित दिलाउन सकेनन् । 

यसअघि पोखराले २० ओभरमा ५ विकेटको क्षतिमा २ सय १५ रन बनाएको थियो । ओपनर रिचर्ड लेभी र काइल कोट्जरले पहिलो विकेटको लागी उत्कृष्ट १ सय ४ रनको शतकीय साझेदारी गरेपछि विशाल योगफल बनाएको हो ।

दक्षिण अफ्रिकाका ओपनर समेत रहेका रिचर्ड लेभीले आक्रमक ब्याटिङ गर्दै २३ बलमा अर्धशतक पुरा गरेका थिए । उनले ७९ रन बनाउँदा ३६ बलमा समान ७ चौका र छक्का प्रहानर गरेका थिए । 

त्यस्तै सुनिल धमलाले २२ बलमा १ चौका र २ छक्का प्रहार गर्दै ३८ रनमा पेभिलिएन फर्किदा, काइल कोट्जर ४७ रनमा आउट गरे । उनले ३७ बलमा ४ चौका र २ छक्का प्रहार गरेबा थिए ।

भैरहवाका लागि कृष्ण कार्की, पुनित, अभिनास र रायनले समान एक विकेट लिएका थिए ।