जावलाखेललाई पराजित गर्दै थ्रीस्टार लिगको तेस्रो स्थानमा

काठमाडौं- सहिद स्मारक ‘ए’ डिभिजन लिगमा आइतबार थ्री स्टार क्लब विजय हुँदै लिगको तेस्रो स्थानमा उक्लेको छ । थ्री स्टारले जावलाखेल युथ क्लबलाई २-० ले पराजित गर्दै अंक तालिकामा सुधार गरेको हो । 

सातदोबाटोस्थित एन्फा कम्प्लेक्समा भएको खेलमा पहिलो हाफ गोल रहित बराबरीमा सकिएको थियो । खेलका दुबै गोल दोस्रो हाफमा सम्भव भएका थिए । थ्री स्टारको जितका लागि दुबै गोल रजिन धिमालले गरे ।

पेनाल्टीमा पाएको अवसर रजितले गोल गरेका हुन् । ७२ औ मिनेटमा थ्री स्टारका रञ्जन विष्टलाई डि बक्स नजिकै फल गरेपछि जावलाखेलका कुल्दिप कार्की रातो कार्ड मैदान बाहिरिएका थिए । 

सोहि फाउलमा पाएको फ्रि किकमा रजिनले गोल गर्दै थ्री स्टारको जित सुनिश्चित गरेका हुन् । थ्री स्टार १८ अंक सहित तालिकाको दोस्रो स्थानमा उक्लिएको छ ।