चितवनमाथि ललितपुर ११ रनले विजय

काठमाडौं- एभरेष्ट प्रिमियर लिग (इपीएल) टी-२० क्रिकेटमा ललितपुर प्याट्रीयट्सले चितवन टाइगर्सलाई पराजित गरेकोछ । प्रतियोगितामा पहिलो जित निकाल्ने क्रममा ललितपुरले चितवनलाई ११ रनले पराजित गरेको हो । 

त्रिवि क्रिकेट मैदानमा टस जितेर पहिलो ब्याटिङ गरेको ललितपुरले दिएको १ सय ४४ रनको लक्ष्य पछ्याएको चितवनले निर्धारित २० ओभरमा ८ विकेट गुमाउदै १ सय ३२ रन मात्र बनाउन सक्यो । चितवनका दिपेन्द्र सिंह ऐरीले सर्वाधिक ४१ रन जोडे पनी टोलीलार्इ जित दिलाउन भने सकेन्न । 

उनले ४५ बल खेल्दै तीन चौका र एक छक्का प्रहार गर्दै ४१ रन जोडको थिए । कप्तान प्रिथु बास्कोटाले २६ रन जोडे । उनले २९ बल खेल्दै तीन चौका प्रहार गरेका थिए । त्यस्तै भिम सार्कीले २१ रन जोडे । 

निकै नै आक्रमक ब्याटिङ प्रस्तुत गरेका भिमले ९ बलमा एक चौका र दुई छक्का प्रहार गरेका थिए । जोर्ज स्कटले १८ रन र जोन सिम्प्सनले १३ रन जोड्न बाहेर अन्य ब्याट्सम्यानले एक रन मात्र जोडे । ललितपुरका लागि सन्दिप लामिछाने तीन, सन्नी पटेलले दुई विकेट लिँदा, गौरभ तोमार र ललित राजवंशीले एक-एक विकेट लिएका थिए । 

यसअघि ललितपुरका लागि सोनु तामाङले अविजित ३५ रन जोडका थिए । उनले ३४ बलमा १ चौ र ३ छक्कका प्रहार गर्दै ३५ रन जोडेका हुन् । त्यस्सतै सन्दिप जोराले पनि २५ रन जोड्दै अविजित रहे । 

उनले ८ बलमा विस्फोटक ब्याटिङ गर्दै १ चौका र ३ छक्काको मद्दतमा २५ रन जोडे । गौरभ तोमारले ३० रन जोडे । उनले २८ बल खेल्दै दुई चौकार र दुई छक्को मद्दतमा रन जोडेका हुन् । 

जयकिसन कोल्सावालाले २० रन, सन्नी पटेलले १९ रन जोड्न बाहेक अन्य ब्याट्सम्यानले दोहोरो अंक छुन सकेनन् । यता चितवनका लागि जोर्ज स्कटले २ विकेट लिँदा, ललित सिंह भण्डारी, कमलसिंह ऐरी र पउल स्र्टलिङले समान एक एक विकेट लिएका थिए ।