चितवनलाई जितका लागि १ सय ४४ रनको लक्ष्य

काठमाडौं- एभरेष्ट प्रिमियर लिग (इपीएल) टी-२० क्रिकेटमा ललितपुर प्याट्रीयट्सले चितवन टाइगर्सलाई जितका लागि १ सय ४४ रनको लक्ष्य सुम्पेको छ । त्रिवि क्रिकेट मैदानमा टस जितेर पहिलो ब्याटिङ गर्ने निर्णय गरेको ललितपुरले निर्धारित २० ओभरमा ५ विकेट गुमाउदै १ सय ४३ रन बनाएको थियो । 

ललितपुरका लागि सोनु तामाङले अविजित ३५ रन जोडे । उनले ३४ बलमा १ चौका र ३ छक्कका प्रहार गर्दै ३५ रन जोडेका हुन् । त्यस्तै सन्दिप जोराले पनि २५ रन जोड्दै अविजित रहे । 

उनले ८ बलमा विस्फोटक ब्याटिङ गर्दै १ चौका र ३ छक्काको मद्दतमा २५ रन जोडे । गौरभ तोमारले ३० रन जोडे । उनले २८ बल खेल्दै दुई चौकार र दुई छक्को मद्दतमा ३० रन जोडेका हुन् । 

जयकिसन कोल्सावालाले २० रन, सन्नी पटेलले १९ रन जोड्न बाहेक अन्य ब्याट्सम्यानले दोहोरो अंक छुन सकेनन् । यता चितवनका लागि जोर्ज स्कटले २ विकेट लिँदा, ललित सिंह भण्डारी, कमलसिंह ऐरी र पउल स्र्टलिङले समान एक एक विकेट लिए । केहि बेरमा चितवनले जवाफी ब्याटिङ गर्ने छ ।