मेस्सीको उत्कृष्ट प्रदर्शनसँगै बार्सा शिर्ष स्थानमा यथावत

एजेन्सी- शनिबार राति भएको स्पेनिस ला लिगामा बार्सिलोनाले इस्पान्योललाई फराकिलो गोलअन्तरले पराजित गरेको छ । कप्तान लियोनेल मेस्सीको उत्कृष्ट प्रदर्शनसँगै बार्सिलोनाले इस्पानियोललाई ४-० गोल अन्तरले पराजित गरेको हो ।  

बर्सिलोनाको जितका लागि मेस्सीले दुई गोल तथा लुइस स्वारेज र औसमान डेम्बेलेले समान१-१ गोल गरे । फ्रिकिकमा उत्कृष्ट प्रहार गर्दै मेस्सीले दुबै गोल गरेका थिए । बार्सिलोनाले पहिलो हाफमा ३-० को अग्रता बनाउँदा, दोस्रो हाफमा थप एक गोल गरेको थियो । 

कप्तान लियोनेल मेस्सीको गोलमार्फत बार्सिलोनाले खेलको १७ औं मिनेटमा अग्रता लिएको थियो । त्यसपछि २६ औं मिनेटमा डेम्बेलेले गोल गर्दै बार्सिलोनाको अग्रता दोब्बर पारे । 

डेम्बलेले मेस्सीको पासमा उत्कृष्ट गोल गर्दै २-० को अग्रता दिलाए । पहिलो हाफको अन्तिम मिनेटमा लुइस स्वारेजले गोल गरे । स्वारेजको गोल मार्फत बार्सिलोनाले पहिलो हाफमै अग्रता तेब्बर पार्न सफल भयो । उनले डेम्बेलेको पासलाई सदुपयोग गरेका थिए ।

दोस्रो हाफमा मेस्सीले व्यक्तीगत दोस्रो गोल गर्दै बार्सिलोनालाई ४-० को फराकिलो अन्तरले पराजित गरे । उनले खेलको ६५ औं मिनेटमा टिमका लागि चौथो र व्यक्तीगत दोस्रो गोल गरे थिए । जितपछि बार्सिलोना १५ खेलबाट ३१ अंक जोडेर लिगको शीर्ष स्थानमा यथावत रहेको छ । स्पान्योल २१ अंकसहित नवौं स्थानमा छ ।

ला लिगामा शनिबार राति नै भएका अन्य खेल :

सेभिल्लाविरुद्ध भ्यालेन्सिया (१-१)

एथ्लेटिकोविरुद्ध अलाभेस (३-०)

भिल्लारियलविरुद्ध सेल्टाभिगो (२-३)