आज ला लिगामा शिर्ष चार टोली भिड्दै, बार्सा शिर्ष स्थानमा रहला ?

एजेन्सी- स्पेनिस ला लिगा फुटबलमा शनिबार महत्वपूर्ण चार खेल हुँदै छन् । शनिबार लिगको अंक तालिकामा रहेका पहिलो, दोस्रो, तेस्रो र चौंथो स्थानमा रहेका टोलीले प्रतिस्पर्धा गर्दै छन् । जसले लिगको १५औं हप्ता अन्तर्गतको खेलले हार-जितको हिसाब मात्र हैन । 

लिगको अंक तालिकामा समेत उथलपुथल हुन सक्ने छ । त्यसैले पनि शनिबार रातिको खेल क्लब र दर्शक, समर्थथका लागि महत्वपूर्ण र रोमाञ्चक हुने अनुमान गर्न सकिन्छ । 

ला लिगका अंक तालिकामा हाल निकै कडा प्रतिस्पर्धा छ । आजको ४ खेलको नतिजाले अंक तालिकामा निकै फरक आउने छ । लिगको १४ खेल सकिसक्दा सम्म शिर्ष स्थानको बार्सिलोनाको २८ अंक छ । 

त्यस्तै दोस्रो स्थानमा रहेको सेभिल्लाको २७ अंक, तेस्रो स्थानमा रहेको एथ्लेटिको मड्रिडको २५ अंक र चौथोस्थानमा रहेको अलाभेसको २५ अंक छ । बर्सिलोनाले १४ खेल मध्यबाट ८ खेलमा जित, ४ खेलमा बराबरी र २ खेल गुमाउदै २८ अंक जोडको हो । 

त्यस्तै सेभिल्लाले समान खेल खेल्दा ८ मा जित र ३-३ खेलमा बराबरी र हार व्यहोरेको छ । मड्रिडले ६ खेलमा जित, ७ खेलमा बरारबी र १ खेलमा पराजित हुँदा अलाभेसले ७ खेलमा जित, ३ खेलमा बराबरी र ४ खेलमा पराजित भएको छ । 

आज हुने खेल र समय :

एथ्लेटिको मड्रिडविरुद्ध अलाभेस - साँझ ५:४५ बजे

भ्यालेन्सियाविरुद्ध सेभिल्ला - राति ९ बजे

भिल्लारियलविरुद्ध सेल्टा भिगो - राति ११:१५ बजे

इस्पान्योलविरुद्ध बार्सिलोना - राति १:३० बजे