सुकेधाराको रिह्‍याव सेन्टरमा प्रहरीको छापा, २१ जनाको उद्धार 

काठमाडौं- काठमाडौंको सुकेधारामा रहेको ट्रान्सफर्मेसन नेपाल नामक रिह्याव सेन्टरमा प्रहरीले छापा मारेर २१ जनाको उद्धार गरेको छ । कूलतमा फसेकालाई उद्धार गर्ने नाममा अत्यन्त अमानविय व्यबहार गरेको भन्दै उजुरी परेपछि महानगरिय प्रहरी परिसर टेकूले बिहीबार राति छापा मारेको हो । 

एउटै कोठमा १५ जना भन्दा बढि ब्यक्ति राखिएको, खान समेत नदिएको, कुटपिट गरेको लगायतको आरोपमा उजुरी परेपछि प्रहरी छापा मार्न पुगेको थियो । प्रहरीले  रिह्याव सेन्टरका सञ्चालक सन्तोष सुवेदीलाई नियन्त्रण लिएको  छ । 

उनलाई महानगरिय प्रहरी परिसर टेकुमा राखिएको छ भने उद्धार गरिएका २१ जनालाई पनि टेकूमा राखिएको प्रहरीले जनाएको छ । आजै पत्रकार सम्मेलन गरेर घटनाको बारेमा बताउने प्रहरीको तयारी छ ।