राजासहितको हिन्दुराष्ट्र माग गर्दै भैरहवामा जुलुस

भैरहवा- राजा सहितको हिन्दुराष्ट्र कायम गर्न माग गर्दै भैरहवा सोमबार जुलुश निकालेको छ।

वर्मेलीबाट दिउँसो एक बजे निकालिएको जुलुश नारा लगाउँदै नगर परिक्रममा गरी गललाभण्डीको हनुमान मन्दिरमा पुगेर समापन भएको थियो। 

जुलुसलाई सम्बोधन गर्दै पूर्वमन्त्री प्रकाश चित्रकारले राजनीतिक दलहरू शासन सञ्चालन गर्न असफल भईसकेका कारण जनताले राजसंस्थाको आवश्यकता महसुस गर्न थालेका धारणा व्यक्त गरेका छन्। 

हिन्दुराष्ट्र र राजसंस्था एक अर्कोका अभिन्न अंग भएको र नेपालमा छिट्टै राजस्ंस्था सहितको हिन्दु राष्ट्र कायम हुने दाबी गरे।
 
शिव सेना नेपालको आयोजनाान निकालिएको जुलुसको नेतृत्व आयोजक संस्थाका केन्द्रिय उपाध्यक्ष शिब केसी, केन्द्रिय सदस्य अनिल कुमार जयसवाल हिन्दु जागरण नेपालका अभियान्ता शारदा पोखरेल, नागरिक अगुवा श्रीराम गुप्ता सापकोटा लगायतले नेतृत्व गरेका थिए।