अवैध घरटहरामा बुटवल उपमहानगरको डोजर​

बुटवल उपमहानगरपालिकाले सार्वजनिक जग्गा अतिक्रमण गरी बनेका संरचनाहरू हटाउन शुरू गरेको छ। सरकारी जग्गा मिचेर बनाइएका ठाउँ खाली गरेर विश्राम स्थल, पार्क र चौतारी निर्माण गर्ने उद्देश्यले घरटहरा हटाउने अभियान थालिएको हो।​​​ ​

अभियानअन्तर्गत आइतबार उपमहानगरपालिका वडा नं. ५ हाटबजार लाइनका ३ वटा टहरा र नेपालगन्ज रोडको एउटा टहरा भत्काइएको छ। सार्वजनिक स्थलमा निर्माण भएका टहरा हटाउन पटक पटक पत्राचार गरे पनि नहटाएपछि नेपाल प्रहरी, नगर प्रहरी, भूमि शाखा र स्थानीयको सहयोगमा ती टहरा हटाइएको हो।