प्रदेश १ मा ‘ज्यानमारा’ टिपरलार्इ निषेध

इटहरी- प्रदेश १ मा साउनदेखी टिपरबाट १२ दुर्घटना भए। यी दुर्घटनाबाट पाँच जनाको ज्यान गयो। 

टिपर दुर्घटनामा घाइते भएका १२ जनाको उपचार भइरहेको छ। यसरी सबैभन्दा धेरै टिपर आतंक भएका तीन जिल्लाहरु उदयपुर, सुनसरी र मोरङ भएको ट्राफिक प्रहरीको तथ्यांक छ। 

पटक-पटकको दुर्घटना र धेरै सर्वसाधारणको ज्यान लिएको कारणले टिपरलाइ ‘ज्यानमारा’ सवारी भन्दै सर्वसाधारणहरु आलोचना गर्दै आएका थिए। अब यस्तो ज्यानमारा सवारीको संचालन समय तोकिएको छ।
 
काठमाण्डौं उपत्यकामा राति ८ बजेपछि टिपर कुदाउन निषेध गरिएको पाँच महिनापछि प्रदेश १ मा पनि टिपर कुदाइमा कडाइ गरिने भएको छ। १ नम्बर प्रदेश ट्राफिक प्रहरी कार्यालयले बिहान ९ बजेबाट ११ बजे र दिउँसो ३ बजेदेखी ५ बजेसम्म टिपर कुद्न निषेध गर्न लागेको हो।
 
विभिन्न कार्यालयहरु जाने र आउने ‘रस आवर’ मानिने समयमा गुड्न रोक लाएपछि पिटर दुर्घटनामा धेरै रोकथाम हुने ट्राफिक प्रहरीको भनाइ रहेको छ । 
आगामि पौष १ गतेबाट लागु हुनेगरि यस्तो गरिएको नम्बर प्रदेश ट्राफिक प्रहरी कार्यालयले सूचना जारी गरेको छ।

१ नम्बर प्रदेश ट्राफिक प्रहरी कार्यालयका डिएसपी कृष्ण प्रसाइका अनुसार बढ्दो टिपर दुघटना  र यसले जनधनमा गरेको असरलाइ रोकथाम गर्न यस्तो गर्न लागिएको हो।
 
प्रदेश सरकार र स्थानिय सरकार सबैको इन्ट्रेस्टमा यस्तो नियम लागू गर्न लागिएको ट्राफिक प्रहरीको भनाइ छ। यो नियम अनिवार्य लागु गराउनेगरि आजैबाट सूचना सम्प्रेषण गरिएको १ नम्बर प्रदेश ट्राफिक प्रहरी कार्यालयले बताएको छ।