पशुपतिनाथ दर्शनपछि जयशंकरले भने- दुई देशको सम्बन्धको कल्याण होस्

काठमाडौं- भारतीय विदेशमन्त्री एस जयशंकरले पशुपतिनाथ पुगेर पूजा आराधना गरेका छन्। पशुपतिनाथ मन्दिरको दर्शन गर्न पाउँदा सौभाग्य प्राप्त भएको उनले बताएका छन्।

सामाजिक सञ्जाल फेसबुकमा लेख्दै उनले भनेका छन्, 'हाम्रा दुई देशका जनता र भारत-नेपाल सम्बन्धको कल्याणको लागि प्रार्थना गरे।'

भारतीय विदेशमन्त्री जयशंकरले आज बिहान पशुपतिनाथको दर्शन गरेका हुन्। त्यस क्रममा उनले रुद्राक्षको बिरुवा पनि रोपेका थिए।

जयशंकरले त्रिभुवन विश्वविद्यालयको नयाँ पुस्तकालय भवनको उद्घाटन गरेका छन्। उनी आजै स्वदेश फर्किनेछन्।