जिपको ठक्करबाट मृत्यु

सुर्खेत- सुर्खेतमा जिपको ठक्करबाट एक जनाको मृत्यु भएको छ । वीरेन्द्रनगरबाट जाजरकोट जाँदै गर्दा भे १ ज ८४० नम्बरको जिपले ठक्कर दिँदा सिम्ता गाउँपालिका-४ सतरका २१ वर्षीय वकिल खड्काको घटनास्थलमै मृत्यु भएको हो । 

दुर्घटनामा सोही ठाउँका लालबहादुर नेपाली घाइते भएका छन् । घाइते नेपालीलाई उपचारका लागि नेपालगन्ज पठाइएको इलाका प्रहरी कार्यालय बादेपीपल राकमका प्रमुख श्याम शाहले जानकारी दिए । 

प्रहरीका अनुसार दुवै जना स्थानीय मेला भर्न सडकमा हिँडिरहेका थिए । ठक्कर दिने गाडी र चालकलाई प्रहरीले नियन्त्रणमा लिएको छ ।