काठमाडौं- जापान एयरलाइन्सको विमानमा मंगलबार साँझ टोकियोको हानेदा विमानस्थलको धावनमार्गमा आगलागी भएको छ।
जापानको समाचार संस्था एनएचकेले सार्वजनिक गरेको भिडियो फुटेजमा विमानको झ्यालबाट र त्यसको मुनि आगो निस्किरहेको देखिएको छ। सपोरोबाट उडेको अर्को विमानसँग ठोक्किएको बीबीसीले उल्लेख गरेको छ।
विमानमा रहेका सबै ३७९ यात्रु र चालक दलका सदस्यलाई बाहिर निकालिएको छ। रनवेमा दुइटा विमान ठोक्किएर आगलागी भएको अनुमान छ।