मेस्सीलाई अर्जेन्टिना भन्दा बढी बार्सिलोनाको चिन्ता

एजेन्सी- लियोनल मेस्सीले क्बलका लागि राम्रो खेल्ने तर राष्ट्रिय टोलीमा सोही अनुसार प्रदर्शन गर्न नसकेको आरोप लगाउदै उनलाई अर्जेनिटना भन्दा क्लबकोबढी चिन्ता रहेको अन्तराष्ट्रिय सञ्चार माध्यमले एक रिपोर्ट प्रकाशित गरेको छ ।

 जुन विषयले मेस्सी थुप्रैपटक आलोचित समेत बनेका थिए । अर्जेन्टिनाकै लिजेन्ड फुटबलर डिएगो म्याराडोनाले पनि यस्तै बिषयमा उनको आलोचना गरेका थिए । 

एक अन्तर्वार्ताक्रममा बोल्दै म्याराडोनाले मेस्सी एक उत्कृष्ट खेलाडी भए पनि उनले राष्ट्रिय टोलीका लागि कुनै योगदान दिन नसकेको भन्दै आलोचना गरेका थिए । 

म्याराडोनाले मेस्सी सन् २०१० देखि अर्जेन्टिनी टोलीको कप्तान रहँदै आए पनि उनले टोलीका लागि महत्वपुर्ण भुमिका खेल्न नसकेको बताएका थिए । 

त्यत्ति मात्रै हैन, म्याराडोनाले मेस्सीले क्लब बार्सिलोनाका लागि सधैं उच्च प्रदर्शन गर्ने तर सोहीअनुसार अर्जेन्टिनी टोलीमा गर्न नसकेको आरोप लगाए । 

‘मेस्सी उत्कृष्ट खेलाडी हुन्, यो म सधैं भन्छु ।’ म्याराडोनाले भने, ‘तर, उनले जति धेरै बार्सिलोनाबारे सोच्छन्, त्यत्ति अर्जेन्टिनी टोलीबारे सोच्दैनन् ।’