सम्पर्कविहीन भएको ४ दिनपछि भेटिए क्यानडाका किल्क

नेपाल समय | सोमबार, पुस १६, २०८०

नेपाल समय

सोमबार, पुस १६, २०८०

दमौली- तनहुँको बन्दीपुर गाउँपालिका–१ डुम्रे बजारबाट सम्पर्कविहीन भएका एक विदेशी पर्यटक भेटिएका छन्। क्यानडाका किल्क मिल्हौसेन बेपत्ता भएको चार दिनपछि आइतबार भेटिएका हुन्।

निजलाई व्यास नगरपालिका–१२ स्थित घाँसीकुवा नजिक भेटाएर काठमाडौँ पठाइएको जिल्ला प्रहरी कार्यालय तनहुँका प्रहरी नायब उपरीक्षक मोहनबहादुर खाँणले जानकारी दिए। उनले भने, ‘प्रहरीले निज जान सक्ने सम्भावित ठाउँहरुको खोजी गर्दै जाँदा घाँसीकुवाको माथिपट्टि रहेको जङ्गलमा भेटाएको हो। उहाँलाई काठमाडौँ पठाएका छौँ।’

पोखराबाट काठमाडौँ जाने क्रममा ती पर्यटक डुम्रे बजारमा झरेको र त्यसपछि सम्पर्कविहीन भएका थिए। निजको सामान भने सोही दिन काठमाडौँ पुगेको थियो।

प्रकाशित: Jan 01, 2024| 08:30 सोमबार, पुस १६, २०८०