आजका अखबार : ओलीले पाएको अवार्ड अवैधानिक !

काठमाडाैं- राजधानीबाट प्रकाशित मंगलबारका राष्ट्रिय दैनिक अखबारहरुले विविध विषयलाई प्राथमिकतामा पारेका छन् । 

कतिले विवादास्पद क्रिस्चियन संस्थाबाट प्रधानमन्त्री केपीशर्मा ओलीले पाएको अवार्ड अवैधानिक भएको मुख्य समाचार बनाएका छन् भने कसैले नयाँ मदिरा उद्योग खोल्न प्रतिबन्ध लगाएको विषयलाई प्राथमिकतामा पारेका छन् । 

आजको कान्तिपुर दैनिकले प्रधानमन्त्री केपीशर्मा ओलीले यूनिभर्सल पिस फेडेरेसनको अवार्ड मन्त्रिपरिषद्को पूर्वस्वीकृतिबेगर लिएको खुलासा गरेको गरेको छ । उसले यो अवार्ड पुरस्कार नभई सम्मेलन गराउन तीन दिन होटलमै बसेर सहयोग गरेकोमा बक्सिसजस्तो भएको उल्लेख गरेको छ ।

यस्तै कान्तिपुरले निर्मलाको फोटो जति च्यात्यो उति भाइरल बनिरहेको विषयलाई प्राथमिकताका साथ छापेको छ । 

आजको नागरिक दैनिकले भने नयाँ मदिरा उद्योगलाई रोक शीर्षकमा मुख्य समाचार छापेको छ । गृहमन्त्रालयले तयार पारेको मदिरा निन्त्रण तथा नियमन आदेशले मदिराको नयाँ उद्योग दार्तामा रोक लगाएको छ ।

गाउँपालिकाको एउटा वडामा एउटामात्रै मदिरा विक्रि केन्द्र र नगरपालिका, उपमहानगरपालिका र महानगरपालिकाका वडामा दुईवटासम्म मदिरा पसल खोल्न अनुमति दिने व्यवस्था नियममा गरिएको समाचारमा उल्लेख छ । 

यस्तै अदालती आदेशको हलचल शीर्षकमा नागरिकले खबर लेखेको छ । सर्वोच्च अदालतले २०७४ असोज २ गते दिएको एउटा आदेशले काठमाडौंको सडक विस्तारमा नै ब्रेक लगाएको छ ।

'नागरिककको नीजि सम्पति निजको स्वेच्छा बाहेक सरकारले प्राप्त गर्दा जग्गा प्राप्ति ऐनले तोकेको प्रक्रिया पुरा गरि मुआब्जा वा क्षतिपूर्ति प्रदान गर्नु' भन्ने आदेशले नागढुङ्गा त्रिपुरेश्वरलगायतका धेरै सडकविस्तार रोकिएको समाचारमा उल्लेख छ । 

आजको नयाँ पत्रिकाले भने विवादास्पद क्रिस्चियन संस्थाले नेपालमा सहजै कार्यक्रम गर्न सक्नु पछाडी नेकपाका नेता माधव नेपालको सक्रियता र आन्तरिक दौडधुपले काम गरेको खुलासा गरेको छ । नेता नेपालले नै प्रधानमन्त्री ओलीलाई मनाउने काम गरेका थिए ।

यसमा यूनिभर्सल पिस फेडेरेसनका नेपाल अध्यक्ष एकनाथ ढकालले यो कार्यक्रम गर्नका लागि सत्तारुढ दलका नेताहरुलाई अनेकन हत्कन्डा अपनाएका थिए । उनी अब अर्को सम्मेलनको तयारी जुटेको बताउन थालेका छन् । यो कार्यक्रमको क्रिस्चियनहरुले नै विरोध गर्न थालेको नयाँ पत्रिकाले लेखेको छ। 

अाजका अन्नपूर्ण पोस्ट्ले भने अड्डामा अन्नपूर्ण अभियान अन्तर्गत मालपोतमा सेवाग्रहीले पाएने सास्ति र मालामाल बन्ने गरेका कर्मचारीका विषयमा लेखेको छ । यस्तै नेपालमा विस्फोटक पदार्थमा समेत सिन्डिकेट गरेको विषयलाई पनि अन्नपूर्णले महत्वका साथ छापेको छ ।