नेशनल शोतो कराते-डो संघ डोटीको संयोजकमा सिंह नियुक्त

डोटी- नेशनल शोतो कराते-डो संघ नेपालले नेपाल विद्दयार्थी संघ (नेविसंघ) डोटीका नेता दिपेन्द्र सिंहलाई नेशनल शोतो कराते-डो संघ डोटीको संयोजकमा नियुक्त गरेको छ । 

राष्ट्रिय खेलकुद परिषद्बाट मान्यता पाएसँगै संघले जिल्लामा पनि संघको विकास र विस्तारका गरि रहेका बेला जिल्ला संघ डोटीका लागि नेता सिंहलाई संघको संयोजकमा नियुक्त गरेका हो । 

नेता सिंहलाई नेशनल शोतो कराते-डो संघ, नेपालले जिल्ला खेलकुद विकास समिति डोटीसँग छलफल गरि जिल्ला संघको संयोजकमा नियुक्त गरेको बताएका छन् ।

खेलकुद विकास र जिल्लास्तरबाटै खेलाडी उत्पादन गर्ने उद्देश्य तथा यस खेल मार्फत जिल्लाका जनतालाई स्वस्थ रहन विशेष भुमिका खेल्ने समेत संघ जनाएको छ । 

जिल्ला संघको संयोजकमा नियुक्त भएसंगै नेता सिंहले डोटीमा खेलकुद विकास र विस्तार गर्न थप जिम्मेवारी थपिएको बताएका छन् । नेता सिंह डोटी खेलकुद विकासका लागि विगत लामो समय देखि क्रियाशील छन् ।