भ्यालेन्सिया रियलसँग २-० ले पराजित

एजेन्सी- ला लिगा अन्तर्गत शनिबार भएको खेलमा रियल म्याड्रिडले भ्यालेन्सियालाई पराजित गरेको छ । घरेलु मैदान सान्टियागो बर्नाबाउमाभएको खेलमा रियलले भ्यालेन्सियालाई २-० ले पराजित गरेको हो । 

रियलले एक गोल आत्मघाती उपहार पाएको थियो भने एक गोल लुकास भाज्केजले गरेका थिए । रियलले भ्यालेन्सियाविरुद्ध अग्रता बनाउन भ्यालेन्सियाकै ड्यानीएल वासले आत्मघाती गो उपहार दिएका थिए । 

उनले खेलको ८ औं मिनेटमा नै आत्मघाती गोल उपहार दिदै रियललाई सुरुवाती अग्रता दिलाएका थिए । वासले ड्यानी कार्भाजलको क्रसलाई क्लियर गर्न खोज्दा उनको हेडर आफ्नै पोस्टमा छिरेको थियो । 

पहिलो हाफमा १-० को अग्रता लिएको रियलले दोस्रो हाफमा थप गगोल गर्न निकै नै संर्घष गर्नु परेको थियो । खेलको ८३ औं मिनेटमा रियलका लुकास भाज्केज्को गोल गरे । उनर्ले  बेन्जेमाले दिएको पासलाई सहि सदुपयोग गर्दै गोलरक्षकलाई बिट गर्दै अग्रता दोब्बर गरेका थिए । 

पछिल्लो खेलमा एइबारविरुद्ध ३-० को हार बेहोरेपछि निकै दबाबमा रहेका रियल प्रशिक्षक सान्टियागो सोलारीलाई यस जितले केहि राहत मिलेको छ । रियल १४ खेलमा २३ अंक जोड्दै अंक तालिकाको पाँचौ स्थानमा रहेको छ ।