मृतक र घाइतेका परिवारलाई नगर प्रमुखद्वारा राहात वितरण

डोटी- डडेल्धुराको अमरगढी नगरपालिका-११ रडुवा खोलामा मंशिर ६ गते भएको दुर्घटनाका मृतक र घाइतेका परिवारलाई शुक्रबार र शनिबार शिखर नगरपालीका डोटीले राहात वितरण गरेको छ । 

शिखर नगर पालिकाका नगर प्रमुख सीता राम जोशीले शिखर नगरपालीकामा बसोबास गर्ने मृतक तथा घाइतेका परिवारको घरमा गएर राहात वितरण गरेका थिए ।
 
शिखर नगर भित्र घर भएका ९ जना मृतक र  १६ जना घाइते भएका परिवारलाई राहत दिने नगरपालिकाको निर्णय अनुसार शुक्रबार र शनिवार घरमा गएर राहत बितरण गरेको प्रेस सल्लाहाकार बलायरले जानकारी दिए ।  नगर पालिकाले मृतकका परिवारलाई जनही ३० हजार प्रदान गरेको छ । त्यस्तै घाइते भएकाहरुलाई उपचार खर्च स्वरुप जनही १५ हजार राहात वितरण गरेको छ । डडेल्धुरामा रहेको उग्रतार मेला हेरेर घर फर्किने क्रममा रडुवामा भएको से १ क २९३ नम्बरको स्कुल वस दुर्घटनामा परी १८ जनाको मृत्यु भएको थियो भने २७ जना घाइते भएका थिए ।

मृतक र घातेलाई राहत बिरण तथा भेट घाटमा कार्यक्रमा पुर्व सांसद कल्पना शोप,शिखर नगर पालिकाका प्रसाशकिय अधिकृत धर्म राज विनाडी, वडा ८ का वडा अध्यक्ष सिद्ध बलायर, वडा नम्बर १० का वडा अध्यक्ष मिन बलायर, नेपाल तरुण दलका अध्यक्ष नारायण बलायर, नेपालि कांग्रेस डोटीका जिल्ला सदस्य जित खड्का, महिला नेतृ सिता चोपडा,पार्व्ति चन्द, पत्रकार महासंघ डोटीका अध्यक्ष योगन्द्र बलायर लगायत समाज सेवि, पत्रकार, प्रहरी लगायतको उपस्थिति रहेको थियो ।