साताको दोस्रो दिन सोमबार पनि सुनको भाउ बढेको छ। नेपाल सुनचाँदी व्यवसायी महासंघका अनुसार हिजो आइतबारको तुलनामा छापावाल सुन आज प्रतितोला ८ सय रुपैयाँले बढेर १ लाख २१ हजार ६ सय रुपैयाँ कायम भएको छ।
योसँगै सुनको मूल्यले नयाँ रेकर्ड कायम गरेको छ। हिजो प्रतितोला १ लाख २० हजार ८ सय रुपैयाँमा सुनको कारोबार भएको थियो।
आज तेजावी सुनको मूल्य १ लाख २१ हजार रुपैयाँ कायम भएको छ। चाँदीको मूल्य भने प्रतितोला १ हजार ५ सय ४५ रुपैयाँमा स्थिर छ।