बुधबार, फागुन ९, २०८०
  • गृहपृष्ठ
  • राजनीति
  • अहिलेको व्यवस्थामाथि प्रश्‍न उठाउनको भ्रम चिर्न सबैको साथ आवश्यक : देउवा 

अहिलेको व्यवस्थामाथि प्रश्‍न उठाउनको भ्रम चिर्न सबैको साथ आवश्यक : देउवा 

 |  मंगलबार, मंसिर ५, २०८०

नेपाल समय

नेपाल समय

मंगलबार, मंसिर ५, २०८०

काठमाडौं- नेपाली कांग्रेसका सभापति शेर बहादुर देउवाले कानूनको अभावमा जनताको मौलिक हक अधिकार पूर्ण रुपमा स्थापित हुन नसकेको बताएका छन्। 

नेपाल डेमोक्रेटिक लयर्स एशोसिएशन (डिएलए नेपाल)को ३४ औं स्थापना दिवसका अवसरमा मंगलबार काठमाडौंमा आयोजित कार्यक्रममा सभापति देउवाले संविधानमा नागरिकको हक अधिकारको कुरा राखिएपनि कानूनको अभावमा उक्त हक अधिकार पूर्ण रुपमा स्थापित हुन नसकेको बताएका हुन्। उनले संविधानमा उल्लेख नागरिकको हक अधिकार स्थापित गर्नका लागि आवश्यक कानून बनाउन सबै गम्भीर हुनुपर्ने धारणा राखे।

देउवाले अहिलेको व्यवस्थामाथि केहीले प्रश्न गर्न थालेको भन्दै सबै मिलेर यसको उचित जवाफ दिनुपर्ने जिकिर गरे। संविधानको रक्षा र परिवर्तनका साथै व्यवस्थामाथिको भ्रम चिर्न वकिलहरूले पनि आफ्नो ठाँउबाट भूमिका खेल्नुपर्ने उनले बताए।

सभापति देउवाले समयमा नै फैसला नहुने सर्वोच्चको अवस्थालाई अन्त्य गरि छिटो छरितो फैसला हुने वातावरण सिर्जना गर्नुपर्नेमा जोड दिएका छन्। उनले सुशासन र विधिको शासन स्थापित गर्न स्वच्छ निष्पक्ष न्यायपालिका आवश्यक हुने बताएका छन्। कार्यक्रममा डिएलए नेपाल आवद्ध वकिलहरुलाई सम्मान गरिएको थियो। 

प्रकाशित: Nov 21, 2023| 18:11 मंगलबार, मंसिर ५, २०८०
nepali patronepali patro
प्रतिक्रिया दिनुहोस्