पिएसजीसँग लिभरपुल पराजित, नेयमारको गोल

एजेन्सी- युइएफए च्याम्पियन्स लिग फुटबल अन्र्तगत पेरिस सेन्ट जर्मेन (पिएसजी)ले लिभरपुललाई पराजित गरेसँगै पिएसजी च्याम्पियन्स लिगको नकआउट चरणमा पुग्ने सम्भावना बलियो बनाएको छ । 

बुधरबार राति भएको खेलमा इंग्लिस क्लब लिभरपुल फ्रेन्च लिग वान क्लब पीएसजीसँग २-१ ले पराजित भएको थियो । पीएसजीका लागि जुआन बर्नाट र नेयमारले एक एक गोल गरेका थिए भने  लिभरपुलका लागि सान्तोना गोल जेम्स मिल्नरले फर्काएका थिए । 

घरेलु मैदान भएको खेलमा पीएसजीले खेलको १३औं मिनेटमा लिभरपुलविरुद्ध अग्रता लिएको थियो । पिएसजीले जुआनको गोलबाट अग्रता लियो । उनले एमबाप्पेको पासलाई सहि सदुपयोग गर्दै गोलमा परिणत गरेका थिए । 

खेलको ३७ औं मिनेटमा नेयमारको गोलमार्फत पीएसजीले अग्रता दोब्बर पार्यो । पहिलो हाफको इन्जुरी समयमा लिभरपुलले पेनाल्टी पाएको थियो । उक्त पेनाल्टीमा नै जेम्सले एक गोल फर्काएका थिए । 

पीएसजीले ५ खेलबाट २ जित र २ बराबर र १ हार बेहोर्दै ८ अंक जोडेको छ । समूह चरणको अन्तिम खेलमा पीएसजीले क्रेभेना जेभेजदासँग खेल्दैछ । यो खेल जिते पीएसजी नकआउट चरणमा प्रवेश गर्ने छ ।