‘ए’ डिभिजन लिग : जावलाखेल र फ्रेन्ड्स बराबरीमा रोकिए

काठमाडौं- पल्सर सहिद स्मारक ‘ए’ डिभिजन लिग अन्तर्गत जावलाखेल युथ क्लब र फ्रेन्ड्स क्लबले बराबरी खेलका छन् ।  खेलसातदोबाटोस्थित एन्फा कम्प्लेक्समा बुधबार भएको खेलमा जावलाखेल र फ्रेन्ड्स क्लबले ३-३ को बराबरी खेलेका हुन् ।

खेलको पहिलो हाफ दुबै टोलीले १-१ को बराबरी खेलको थिए । पहिलो हाफमा फ्रेन्ड्स क्लबले सुरुवाती अग्रता लिएको थियो । फ्रेन्ड्स क्लबले खेलको २६ औं मिनेटमा बिक्रम लामाको गोल मार्फत अग्रचता लिएको थियो । 

तर, पहिलो हाफको इनजुरी समयमा अर्जुन सिंहले हेडर मार्फत उत्कृष्ट गोल गर्दै पहिलो हाफमा खेल १-१ को बराबरीमा सकिएको थियो । दोस्रो हाफमा केहि समय जावलाखेल फ्रेन्ड्स क्लबमाथि हाबी  देखिएको थियो । 

दोस्रो हाफमा जावलाखेलले केहि समय फ्रेन्ड्स क्लबविरुद्ध ३-१ को अग्रता बनाएको थियो । दोस्रो हाफ सुरु भएको दुई मिनेट नबित्दै जावलाखेलले पुनः २-१ ले अग्रता लिएको थियो । 

यतिखेर जावलाखेलका लागि फोडे फोफोनाले हेडरमार्फत गोल गरेका थिए । त्यसको पाँच मिनेट नबित्दै फेरी जावलाखेलले फ्रेन्ड्स क्लबविरुद्ध ३-१ ले अग्रता बनाएको थियो । 

अग्रता बढाउन जावलाखेलका लागि सुमान डङ्गोलले गरेका थिए । त्यसपछि फ्रेन्ड्स क्लबले लगातार थप दुई गोल गर्दै खेल बराबरीमा ल्याए । खेलको ६७ औं मिनेटमा फ्रेन्ड्स क्लबका फोफोना इब्राहिनाले गोल गर्दा ८२ औं मिनेटमा धिरज श्रेष्ठले गोल गर्दै खेल ३-३ को बराबरीमा ल्याए । 

यससँगै दुबै टोलीले एक एक अंक बाडेका छन् । दुवै टोलीले लिगमा पहिलो एक अंक जोडेका छन् ।