कांग्रेस महासमिति बैठक सर्‍यो

नेपाली कांग्रेसले महासमिति बैठक सार्ने निर्णय गरेको छ। सभापति शेरबहादुर देउवाको निवास धुम्बाराहीमा आइतबार बिहान बसेको केन्द्रीय कार्यसम्पादन समिति बैठकले महासमिति बैठकको मिति सारेको हो।

महासमिति बैठक मंसिर १३ देखि १५ गतेसम्म काठमाडौंमा गर्ने निर्णय भएकोमा मंसिर २९ देखि पुस २ गतेसम्म गर्ने निर्णय भएको प्रचार विभाग प्रमुख मीनबहादुर विश्वकर्माले जानकारी दिए।