राष्ट्रपति र प्रधानमन्त्रीको राजीनामा मागेर सडकमा उत्रिँदै एमाले

प्रमुख प्रतिपक्षी दल नेकपा एमालेको भ्रातृ संस्था राष्ट्रिय युवा संघ नेपालले राष्ट्रपति, प्रधानमन्त्री, गृहमन्त्री र कानुनमन्त्रीको राजीनामा माग गर्दै सडक प्रदर्शन गर्ने भएको छ।
एमाले नेता महेश बस्नेतका अनुसार आज दिउँस ३ बजे काठमाडौंको नयाँ बानेश्वरमा विरोध प्रदर्शन हुन लागेको हो।
राष्ट्रपतिबाट सजाय माफी पाएका कांग्रेस कार्यकर्ता योगराज ढकाल (रिगल)लाई सर्वोच्च अदालतले पुन: जेल पठाइदिएपछि एमालेले राष्ट्रपतिलगायत प्रधानमन्त्री र मन्त्रीहरुको राजीनामा मागेको हो।

व्यक्ति हत्याका दोषीको सजाय मिनाहा गर्ने सरकार र राष्ट्रपतिको कदमको यसअघि पनि विरोध भएको थियो। अहिले सर्वोच्चको आदेशपछि भने उनीहरुले नैतिकताको आधारमा राजीनामा दिनुपर्ने आवाज उठिरहेको छ।