नेपाल–चीनबीच १३ बुँदे सम्झौतामा हस्ताक्षर

काठमाडौं– चीन भ्रमणमा रहेका प्रधानमन्त्री पुष्पकमल दाहाल प्रचण्ड र समकक्षी ली छ्याङको उपस्थितिमा दुई मुलुकबीच १३ बुँदे सम्झौता हस्ताक्षर भएको छ।

आज बिहान बेइजिङस्थित ग्रेट हल अफ द पिपुलमा प्रचण्ड र समकक्षी छ्याङको उपस्थितिमा १३ बुँदे सम्झौतामा हस्ताक्षर भएको प्रधानमन्त्रीको सचिवालयले जानकारी दिएको हो। 

कृषि, विद्युत्, सडक पूर्वाधार, पर्यटनलगायत १३ वटा परियोजनामा नेपाल र चीनबीच सम्झौता भएको प्रधानमन्त्री प्रचण्डको सचिवालयले बताएको छ। सम्झौताको औपचारिक जानकारी संयुक्त प्रेस विज्ञप्तिमार्फत गराइनेछ।