बिहीबार, असोज ११, २०८०
  • गृहपृष्ठ
  • अर्थ
  • डिजिटल माध्यमबाट नेपालमा पैसा पठाउने एक जनालाई इसेवा मनी ट्रान्सफरको काठमाडौंमा घर

डिजिटल माध्यमबाट नेपालमा पैसा पठाउने एक जनालाई इसेवा मनी ट्रान्सफरको काठमाडौंमा घर

 |  सोमबार, असोज १, २०८०
averest bankaverest bank

नेपाल समय

नेपाल समय

सोमबार, असोज १, २०८०

संसारका विभिन्न देशबाट नेपालमा रेमिटेन्स भित्र्याउँदै आएको इसेवा मनी ट्रान्सफरले 'मेरो डिजिटल देश' अभियानलाई निरन्तरता दिएको छ। अभियान अन्तर्गत डिजिटल माध्यमबाट नेपालमा रेमिटेन्स पठाउनेमध्ये एक जनाले काठमाडौंमा घर पाउने छन्।

sagarmatha cement

स्क्वायर होटल, पुल्चोकमा सम्पन्न पत्रकार सम्मेलनमार्फत कम्पनीले पहिलेझैं यसपालि पनि 'काठमाडौंमा घर' योजना सार्वजनिक गरेको हो। यस अभियाननिम्ति इसेवा मनी ट्रान्सफर र इसेवाबीच सम्झौता भएको छ। यो योजना यही असोज १ गतेबाट सुरू भएर २०८१ असार ३१ गतेसम्म चल्ने बताइएको छ।

कम्पनीका अनुसार परम्परागत शैलीमा हुँदै आएको रेमिटेन्स कारोबारलाई डिजिटलतर्फ लैजाने अभिप्रायका साथ दस महिने यो योजना सार्वजनिक गरिएको हो।

अभियान अन्तर्गत संसारका जुनै मुलुकमा रहेका नेपालीहरूले, नेपालमा इच्छाएको व्यक्तिको इसेवा वालेटमा पैसा पठाई सहभागिता जनाउन सक्ने छन्। अभियानमा चार परिवारलाई विशेष कोसेली, हरेक महिना एक जनाको पैसा डबल, तथा बम्पर उपहारमा एक जनाले काठमाडौंमा घर पाउने छन्।

'यो योजना वैदेशिक रोजगारीमा रहेका नेपालीहरूले गरेको समर्पण र बलिदानप्रति हाम्रो प्रशंसाको प्रतीक हो,' डिजिटल वालेट इसेवाको माउ कम्पनी एफवान सफ्ट ग्रुपका डाइरेक्टर सुवास शर्माले भने, 'विदेशमा काम गर्ने हरके नेपालीको एउटा आकांक्षा भनेको काठमाडौंमा घर बनाउनु हो। त्यसैले यस अभियानको माध्यमबाट हामीले कम्तीमा एक व्यक्तिको सपना पूरा गर्न सक्नेछौं।'

अभियानबारे एफवान सफ्ट ग्रुपका ग्रुप स्ट्राटेजी डाइरेक्टर डेनियल डी श्रेष्ठले आर्थिक विकासमा इसेवा मनी ट्रान्सफरको महत्वपूर्ण योगदान रहेको बताए। 'यस योजना अन्तर्गत विदेशमा बसोबास गर्ने र रोजगारीमा रहेका सबै नेपालीलाई डिजिटल पर्यावरणमा सक्रिय रूपमा सहभागी हुन र रेमिटेन्स वैधानिक माध्यमबाट पठाइ आर्थिक उन्नतिमा योगदान दिन प्रोत्साहित गर्छु,' उनले भने।

त्यस्तै इसेवाका प्रमुख कार्यकारी अधिकृत जगदीश खड्काले इसेवा र इसेवा मनी ट्रान्सफरको संयुक्त प्रयासबाट विदेशमा रहेका नेपालीले डिजिटल माध्यमबाट केही मिनेटमै नेपालमा सहजै पैसा पठाउन मिल्ने बताए। 'यो अभियानमार्फत देशको अर्थतन्त्रमा सकारात्मक परिवर्तन ल्याउने र रेमिटेन्स सेवाको गुणस्तर र विश्वसनीयता उकास्नेछ भन्ने हाम्रो विश्वास छ,' उनले भने।

यो अभियानमा विदेशमा रहेका नेपालीहरू सहभागि हुने र देश डिजिटल बनाउनमा योगदान पुर्‍याउने विश्वास रहेको इसेवा मनी ट्रान्सफरका प्रमुख कार्यकारी अधिकृत अजेस कोइरालाले बताए। 'विदेशबाट नेपालमा पैसा पठाएर आर्थिक योगदान पुर्‍याउनु हुने सहयोगी हातहरूमध्ये केहीलाई यो दस महिने अभियानमार्फत हामी विशेष रूपमा सम्मान गर्नेछौं,' उनले भने।

इसेवा मनी ट्रान्सफरका ब्रान्ड एम्बेसडर राजेश हमाल, स्वस्तिमा खड्का, दयाहाङ राई र इसेवाका ब्रान्ड एम्बेसडर विपीन कार्कीले डिजिटल रेमिटेन्स सम्बन्धी राष्ट्रिय तथा अन्तर्राष्ट्रिय चेतनामूलक कार्यक्रममा अभियान प्रवर्द्धन गर्न सहभागिता जनाउने कम्पनीले बताएको छ।

प्रकाशित: Sep 18, 2023| 15:49 सोमबार, असोज १, २०८०
nepali patronepali patro
प्रतिक्रिया दिनुहोस्

थप समाचार

नयाँ खिम्ती २२० केभी सबस्टेसनको क्षमता वृद्धि, विद्युत् खेर नजाने

नयाँ खिम्ती २२० केभी सबस्टेसनको क्षमता वृद्धि, विद्युत् खेर नजाने

२२०/१३२ केभी सबस्टेसनमा जम्मा १०० एमभिए क्षमताको पावर ट्रान्सफर्मर मात्र रहेकामा २०० एमभिएको अटो ट्रान्सफर्मर थप गरिएको हो।
चाडपर्व लक्षित सुपथ मूल्यका पसल खुलाइँदै

चाडपर्व लक्षित सुपथ मूल्यका पसल खुलाइँदै

सुपथ मूल्यका पसलबाट बजार मूल्य नियन्त्रण र गुणस्तरीयता कायम गरी सर्वसुलभ रुपमा नागरिकलाई उपभोग्य वस्तु उपलब्ध गराउने उद्देश्य।