नेम्वाङ निधनले स्थगित बीपी साहित्य महोत्सव समापन आगामी बुधबार

काठमाडौं– सत्तारुढ कांग्रेसले संविधानसभा अध्यक्ष एवं एमाले उपाध्यक्ष सुवास नेम्वाङको निधनपछि रोकिएको बीपी साहित्य महोत्सव समापन ३ असोज संविधान दिवसका दिन गर्ने भएको छ।

महोत्सव आयोजक समिति बैठकले महोत्सव समापन सभा ३ असोजमा गर्ने निर्णय भएको कांग्रेस प्रचार विभाग प्रमुख मीन विश्वकर्माले बताए।

स्थगित भएको तेस्रो र अन्तिम दिन (२६ भदौ) को कार्यक्रम आगामी बिहीबार बिहान साढे १० साँझ ५ बजेसम्म पार्टी मुख्यालय सानेपामा गरिनेछ। गत साउनको केन्द्रीय समिति बैठकको निर्णयअनुसार कांग्रेसले २४ देखि २६ भदौसम्म सानेपा मुख्यालयमा महोत्सव आयोजना गरेको थियो।

कांग्रेसले अन्तिम दिनको कार्यक्रममा सहभागी भइदिन राजनीतिक दल नेता,  लेखक, साहित्यकार, बुद्धिजीवी, अध्येता, अनुसन्धाता एवं सामाजिक, सांस्कृतिक क्षेत्रमा रुचि राख्ने सबैलाई आग्रह गरेको छ।