प्रतिनिधिसभा बैठकः रक्षामन्त्री खड्काले संसद्लाई जानकारी गराए दुईबुँदे सहमति   

काठमाडौं– करिब महिना दिनपछि आज बसेको संघीय संसद्को प्रतिनिधिसभा बैठकको विशेष समयमा उपप्रधान तथा रक्षामन्त्री पूर्णबहादुर खड्काले राजनीतिक दलहरुबीच भएको सर्वदलीय बैठकको सहमतिबारे संसद्लाई जानकारी गराएका छन्।

उनले गत २ साउनमा त्रिभुवन विमानस्थलबाट तस्करीमार्फत बाहिरिएको र पटक–पटक मुलुकभित्र भित्रिँदै आएको अवैध सुनबारे छानबिन गर्न उच्चस्तरीय समिति गठन गर्ने सहमति भएको बताए।

हालको कानुनले नपुग्ने भए परिमार्जन गर्न सुझाव दिन जाँचबुझ आयोग ऐन, २०२६ बमोजिम आगामी ५ असोजमा सरकारले आयोग गठन गर्ने उनले जानकारी दिए।

त्यसै दिनदेखि आयोगले कार्यारम्भ गर्ने सहमति भएको उनले बताए। सहमतिपछि संसद् खुलेपछि नेपाली जनताका समस्यालाई सुन्ने अपेक्षा उनले व्यक्त गरे।