प्रतिनिधि सभामा एमाले सांसदको नाराबाजी

काठमाडौं- नेकपा एमालेले प्रतिनिधि सभामा नाराबाजी सुरु गरेको छ। सुन तस्करी प्रकरणमा उच्चस्तरीय छानबिन समिति गठनको माग गर्दै आएको एमालेले आइतबारको प्रतिनिधि सभा बैठक सुरु हुनेबित्तिकै बोल्ने समय मागेको थियो।

सँगै सत्ता पक्षका सांसदहरुले पनि बोल्न समय मागे। सभामुख देवराज घिमिरेले एमाले सांसद सूर्य थापालाई बोल्न समय दिएपछि सत्तारुढ सांसदहरुले विरोध जनाए। सभामुखले एमाले सांसद थापालाई समय सकियो भनेपछि एमाले सांसदहरुले वेलमा आएर नाराबाजी गरेका हुन्।