नारायणीमा हामफालेकी महिला बाँचिनन्

आज बिहान नारायणी पुलबाट नदीमा हामफालेकी महिलाको उपचारका क्रममा मृत्यु भएको छ। बिहान पौने ८ बजेतिर नारायणगढस्थित नारायणी पुलबाट हामफालेकी अन्दाजी ४५ वर्षकी महिलाको केहीबेरमा उद्धार गरिएको थियो।

वडा प्रहरी कार्यालय नारायणगढका प्रहरी निरीक्षकको नेतृत्वमा विपद् व्यवस्थापन टोलीले ती महिलाको उद्धार गरेको थियो। उनको चितवन मेडिकल कलेजमा उपचारका क्रममा मृत्यु भएको हो।

यसअघि साउन १० गते पनि एक जना महिला यही पुलबाट नदीमा हामफालेकी थिइन्। तीन दिनपछि उनी मृत भेटिएकी थिइन्।