सभापति देउवासँग अमेरिकी सहायक विदेशमन्त्री लुको भेट

काठमाडौं– एकदिने नेपाल भ्रमणमा आएका दक्षिण तथा मध्य एसिया हेर्ने अमेरिकी सहायक विदेशमन्त्री डोनाल्ड लुलेकांग्रेस सभापति शेरबहादुर देउवासँग भेटवार्ता गरेका छन्। मध्याह्न १ बजे त्रिभुवन विमानस्थल उत्रिएका लुले सभापति देउवासँग भेट गरेका हुन्।

सभापति देउवाले ट्वीटरमा लेखेका छन्, ‘नेपाल–अमेरिका सम्बन्धलाई थप सुदृढ बनाउने विषयमा रचनात्मक छलफल भयो। शान्ति, लोकतन्त्रको प्रवद्र्धनमा अमेरिकी सरकार र सचिव लुसँग सहयोगबारे छलफल भयो।’

लुले आजै प्रधानमन्त्री पुष्पकमल दाहाल प्रचण्ड र परराष्ट्रमन्त्री एनपी साउदलाई भेट्दै छन्। लुले नेपालमा सञ्चालित अमेरिकी सहयोग परियोजना एमसीसी कार्यान्वयनबारे प्रधानमन्त्री, परराष्ट्रमन्त्रीसँग छलफल गर्ने बुझिएको छ।