प्रतिनिधिसभामा आइतबार मन्त्रीहरूले जवाफ दिने

काठमाडौं- प्रतिनिधिसभाको बैठक आइतबार बस्दैछ। दोस्रो अधिवेशनको ३४औं बैठक बस्न लागेको हो।

बिहान १० बजे नयाँ बानेश्वरस्थित संघीय संसद् भवनमा बस्ने गरी बैठक आह्वान गरिएको छ। बैठकका लागि सम्भावित कार्यसूची तय गरिएको छ। यसअनुसार बैठकमा विनियोजन विधेयकमाथिको छलफल जारी रहनेछ।विनियोजन विधेयक, २०८० अन्तर्गत मन्त्रालयका विभिन्न शीर्षकहरूमाथिको छलफलका क्रममा उठाइएका प्रश्नहरूको सम्बन्धित मन्त्रीहरूले जवाफ दिने सम्भावित कार्यसूची छ।

आइतबारको बैठकमा गृह मन्त्रालय, वन तथा वातावरण मन्त्रालय, महिला, बालबालिका तथा ज्येष्ठ नागरिक मन्त्रालय, युवा तथा खेलकुद मन्त्रालय, सहरी विकास मन्त्रालय, उद्योग, वाणिज्य तथा आपूर्ति मन्त्रालय, भौतिक पूर्वाधार तथा यातायात मन्त्रालय र सञ्चार तथा सूचना प्रविधि मन्त्रालयमाथिका प्रश्नहरूको जवाफ दिने कार्यसूची छ।