प्रज्ञा प्रतिष्ठानमा पुस्तक प्रदर्शनी

काठमाडौं- नेपाल प्रज्ञा प्रतिष्ठानले शुक्रबारदेखि पुस्तक प्रदर्शनी थालेको छ। प्रतिष्ठानले ६६ औं वार्षिकोत्सव तथा राष्ट्रिय कविता महोत्सवको उपलक्ष्यमा पुस्तक प्रदर्शनी गरेको हो। प्राज्ञ हंसावती कुर्मीले कविता महोत्सवको बेला प्रत्येक वर्ष प्रतिष्ठानले पुस्तक प्रदर्शनी गर्दै आएको  जानकारी दिए।

प्रदर्शनीमा विभिन्न भाषा, चिन्तन, साहित्य र अनुन्धानका कृतिहरु राखिएको छ। शब्दकोषमा १५ प्रतिशत र बाँकी अन्य पुस्तकमा ४० प्रतिशत छुटको व्यवस्था रहेको प्रतिष्ठानले जनाएको छ।

१५ दिनसम्म चल्ने प्रदर्शनीमा आज पहिलो दिन २५ हजार बढीको पुस्तक बिक्री भएको प्रतिष्ठानका नायब सुब्बा महेश्वर थापाले जानकारी दिए।