जंगलमा गाडिएको अवस्थामा भेटियो युवतीको शव

कैलालीमा एक युवती मृत फेला परेकी छन्। जिल्लाको गौरीगंगा नगरपालिका- १ स्थित केदारेश्वर सामुदायिक वनमा २८ वर्षीया कविता बुढा मृत फेला परेकी हुन्।

प्रहरीका अनुसार उनको शव हिजो वनमा खाल्डोभित्र गाडिएको अवस्थामा फेला परेको हो। बुढाका परिवारले उनी हराएको भन्दै सोमबार खोजीका लागि प्रहरीमा निवेदन दिएका थिए। उनको हत्या गरेर शव गाडिएको प्रहरीको भनाइ छ।

मृतक बुढाका श्रीमान् रोजगारीको सिलसिलामा भारतमा छन् भने उनका दुई जना छोराछोरी छन्। केही दिनअघि उनको ससुरासँग झगडा भएको बताइएको छ। ससुराले नै उनको हत्या गरेको प्रहरीको आशंका छ।

उनी घरमा सासुससुरा र देउरानीसँग बस्दै आएकी थिइन्। प्रहरीले एक जनालाई पक्राउ गरेको छ।