नवनियुक्त मन्त्रीले लिए सपथ

काठमाडौं– संघीय सरकारमा नवनियुक्त वन तथा वातावरणमन्त्री वीरेन्द्रकुमार महतो र शिक्षा विज्ञान तथा प्रविधि राज्यमन्त्री प्रमिला कुमारीले पद तथा गोपनीयताको सपथ लिएका छन्। 

आज बिहान राष्ट्रपति भवन शीतलनिवासमा वनमन्त्रीले राष्ट्रपति रामचन्द्र पौडेल र राज्यमन्त्रीले प्रधानमन्त्री पुष्पकमल दाहाल प्रचण्डसमक्ष सपथ लिएका हुन्।

प्रधानमन्त्रीको सिफारिसमा मंगलबार राष्ट्रपतिले जसपा नेता महतो र प्रमिलालाई क्रमशः मन्त्री र राज्यमन्त्रीमा नियुक्त गरेका थिए। प्रचण्डले प्रधानमन्त्रीको कार्यभार सम्हालेको ५ महिनामा १२औं पल्ट मन्त्रिपरिषद् विस्तार गरेसँगै २५ सदस्य मन्त्री भागबन्डाले पूर्णता पाएको छ।