भारत भ्रमणमा नयाँ रेकर्ड कायम हुन्छ : प्रधानमन्त्री प्रचण्ड

काठमाडौं– प्रधानमन्त्री पुष्पकमल दाहाल प्रचण्डले आफ्नो भारत भ्रमणमा नयाँ रेकर्ड कायम हुने दाबी गरेका छन्।

शनिबार सत्तारुढ नेकपा माओवादी केन्द्र निकट अखिल नेपाल ट्रेड युनियन महासंघको कार्यक्रमलाई सम्बोधन गर्दै प्रचण्डले भारत भ्रमणका लागि नयाँ रेकर्ड बनाउने गरी तयारी भइरहेको बताएका हुन्।

उनले भने, ‘हामीलाई दबाब छ तर जनताको साथ छ। सरकारको काममा जनताको उत्साह देखिएको छ। युद्धको बेला पनि घेराबन्दी र सखाप पार्ने रणनीति चिरेरै आएका हौं। अहिले पनि घेराबन्दी चिरेर अगाडि बढ्छौं।’

उनले कतिपय शक्तिबाट संघीय लोकतान्त्रिक गणतन्त्रमाथि हिलो छ्याप्ने प्रयास भइरहेकोले यसलाई रोक्न परिवर्तन पक्षधर एक हुनुपर्ने औंल्याए। भारत भ्रमणमा जाँदा नयाँ रेकर्ड हुने विषयबारे भने प्रधानमन्त्री प्रचण्ड बोलेनन्।