शुक्रबार संसद्‍मा राष्ट्रपतिको सम्बोधन

काठमाडौं- राष्ट्रपति रामचन्द्र पौडेलले संघीय संसद्‍का दुवै सदनको संयुक्त बैठकलाई सम्बोधन गर्ने भएका छन्। 

भोलि शुक्रबार अपराह्न ४ बजे बस्ने प्रतिनिधिसभा र राष्ट्रियसभाको संयुक्त बैठकलाई राष्ट्रपतिले सम्बोधन गर्ने जानकारी सभामुख देवराज घिमिरेले गराएका छन्। बैठकमा सहभागी हुनका लागि तोकिएको पोशाकमा पौने ४ बजेसम्ममा आशन  ग्रहण गरिसक्न सभामुखले सांसदहरुलाई आग्रह गरेका छन्। 

राष्ट्रपति भएपछि रामचन्द्रले पहिलो पटक संसद्लाई सम्बोधन गर्न लागेका हुन्। उनी गत फागुन ३ गते राष्ट्रपति निर्वाचित भएका हुन्। भारतमा उपचार गराएर आएपछि उनी स्वास्थ्य लाभ गरिरहेका छन्।