गण्डकीमा मुख्यमन्त्री पाण्डेले गरे मन्त्रिपरिषद् विस्तार
काठमाडौं– गण्डकी प्रदेशका मुख्यमन्त्री सुरेन्द्रराज पाण्डेले मन्त्रिपरिषद् विस्तार गरेका छन्। पाण्डे कांग्रेस कोटाबाट १४ वैशाखमा मुख्यमन्त्री नियुक्त भएका थिए।
आज कांग्रेसबाट २, नेकपा माओवादीबाट २ र एकीकृत समाजवादीबाट १ जना गरी ७ सदस्यीय मन्त्रिपरिषद् बनाइएको छ।
कांग्रेसबाट प्रदेशमन्त्री हुनेमा नवलपुरका महेन्द्रध्वज जिसी र बागलुङका दीपेन्द्रबहादुर थापा रहेका छन्। नेकपा एसबाट राजीव गुरुङ (दीपक मनाङे) र माओवादीबाट रेशमबहादुर जुग्जाली मन्त्री बनेका छन्।
मन्त्री नियुक्त गरिए पनि बेलुकी ४ बजे हुने सपथ कार्यक्रममा मात्रै नाम मन्त्रालय सार्वजनिक गरिने मुख्यमन्त्री पाण्डेले बताए।
९ वैशाखमा एमालेका खगराज अधिकारी नेतृत्वको सरकार ढलेपछि कांग्रेस–माओवादीसहितको गठबन्धनबाट पाण्डे मुख्यमन्त्री नियुक्त भएका हुन्।
यसअघि १५ वैशाखमा कांग्रेसबाट सरस्वती अर्याल तिवारी र माओवादीबाट सुशीला सिम्खडालाई बिनाविभागीय मन्त्री नियुक्त गरिएको थियो।
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com