काठमाडौंमा गुड्न थाल्यो साझाको विद्युतीय बस 

काठमडाौं- साझा यातायातले विद्युतिय गाडी सञ्चालनमा ल्याएको छ । चिनियाँ कम्पनी बिवाइडीले निर्माण गरेको विद्युतिय बस मंगलबार प्रधानमन्त्री केपीशर्मा ओलीले उद्घाटन गरेसंगै सञ्चालनमा आएको हो । 

विद्युतिय बस उद्घाटन गर्दै प्रधानमन्त्री ओलीले अब वातावरण स्वच्छ राख्न मद्दत गर्ने विद्युतिय सवारी साधमा जोड दिनु पर्ने बताए । उनले सन् २०२० सम्ममा कम्तीमा २० प्रतिशत विद्युतीय बस चल्ने दाबी गरे । 

बस उद्घाटनपछि प्रधानमन्त्री ओली त्यही गाडी चढेर ललितपुरको पुल्चोकबाट सिंहदरबार गुगेका थिए । साझाले अहिले २ वटा मात्रै विद्युतिय बस सञ्चालनमा ल्याएको छ । तीनवटा बस आउने प्रक्रिायामा रहेको साझाले जनाएको छ । 

साझाले विद्युतीय बस काठमाडौंपछि लुम्बिनीमा पनि चलाउने तयारी गरेको छ । साझाको व्यवस्थापनमा रहने बस खरिदका लागि एडिबीले सहयोग गरेको हो।

चालकसहित २० सिट क्षमताका ती गाडीमा सिसि क्यामरा, उभिएर यात्रा गर्नेको लागि ह्याङगरलगायतका सुविधा छन्।