सुर्खेतमा गाडी दुर्घटना हुँदा ३२ यात्रु घाइते

सुर्खेत- सुर्खेतमा सोमबार फोर्स गाडी दुर्घटनामा ३२ जना घाइते भएका छन्। 

घाइते मध्ये एक जनाको अवस्था गम्भीर रहेको छ। जिल्ला ट्राफिक कार्यालय सुर्खेतले दिएको जानकारी अनुसार घाइतेको प्रदेश अस्पताल सुर्खेत र स्थानीय नर्सिङ होममा उपचार भैरहेको छ।

दैलेखबाट सुर्खेत आउँदै गरेको बा ५ ख ६२०५ नम्बरको फोर्स गाडी कटकुवा र चारबाहीनीकोबीचमा पर्ने गौशाला मोडमा अनियन्त्रित भर्इ दुर्घटना भएको जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक हरिबहादुर विसीले जानकारी दिए।